Babae Nagpatanggal ng 6 na Ribs Para Maging ‘Perpekto!’

Grabe na ‘to! Isang 25-year-old na babae mula Sweden ang nagpatanggal ng 6 na ribs sa kanyang katawan. Inihahalintulad ni Pixee Fox, na ngayo’y naninirahan na sa USA ang kanyang sarili sa mga transgender. Tulad daw kasi ng mga transgender, ramdam niyang na-trap siya sa katawang hindi sa kanya. Kumbaga, pakiramdam niya ay kailangang malaki ang kanyang boobs, may maumbok na puwet, at maliit na baywang.

Ang dating electrician na si Pixee ay gumastos na ng (£80,000) o P5,428,747.06 sa pagsubok na makamit ang perpektong hourglass figure.

“There are so many people out there - for example transsexual people - who feel like one person inside and it doesn’t reflect their outside - and for me who I was on the outside was not who I was on the inside.

“I want to have the tiny waist, the butt, big boobs, big eyes and a really pretty face. Having my ribs removed was just another step in achieving that ideal.” pagbabahagi ni Pixee.

Pero hindi niya alintana na wala nang proteksyon ang kanyang lower internal organs kabilang ang kanyang atay.

Nagsi­mula ang kanyang pagkaadik sa mga surgery nang iwan siya ng kanyang boyfriend noong 2013. Obsessed na obsessed siya sa pag-modify ng kanyang katawan para magmukhang “cartoon character” na kanyang sinasabing ideal na katawan para sa mga kababaihan.

Sa sumatutal, nagkaroon na siya ng apat na rhinoplasties; apat na breast augmentations (200cc, 525cc, 800cc, at 1400cc); two rounds ng liposuction; dalawang upper eyelid surgeries; labiaplasty; Brazilian butt lift; cool-sculpting; cheek injections; at lip injections.

Dahil dito, ang kanya ngayong vital stats ay nakakalulang 38-16-39, mula sa 30-24-34.

Pero hindi pa tapos ang kanyang pagka-obsess dahil ngayong taong 2016 ay balak pa niyang magpaopera para makamit ang nais niyang world record-breaking na 14 inches na waistline.

“I see myself as a body-modification artist. This is my job. This is what I do and I’m going to keep on sculpting.” pagtatapos ni Pixee.