Nagpapakalango sa alak

Dear Vanezza,

Tawagin mo na lang akong Romel, 24 anyos at isang trike driver. May nililigawan ako. Isa siyang tindera. Anak siya ng may-ari ng tindahan na ayaw sa akin. Mag-on na kami, pero nagbago siya bigla ng pagbawalan siya ng mga magulang niya. Seryoso naman ako sa kanya pero bakit ayaw akong bigyan ng pagkakataon ng kanyang mga magulang. Gabi-gabi ay nilulunod ko sa alak ang aking sarili. Ano ang dapat kong gawin para maging good ako sa kanyang mga magulang?

Dear Romel,

Sa ginagawa mong pag-inom, lalong papangit ang tingin sa iyo ng mga magulang niya.  Concerned lang ang mga magulang ng naging gf mo sa kinabukasan ng kanilang anak. Ipagpatuloy mo ang iyong pagsisikap na umunlad ang kabuhayan.  Marami riyan na walang natapos na kurso o hindi nakapag-aral pero naging matagumpay na negosyante. Sa halip na magpakalango sa alak, umisip ka ng iba pang pagkakakitaan na alam mong tutugma sa iyong kakayahan.

Sumasaiyo,

Vanezza