Pinipilit Magpaksal

Dear Vanezza,

Nais ko pong malaman kung dapat na ba akong magpakasal sa nobyo ko? Two years na kaming mag-on. Nagyayaya na po siyang magpakasal. Tapos na kaming mag-aral at parehong may matatag na trabaho. Pero kahit 25 years old na ako, hindi pa ako handang mag-asawa. Mahal ko  naman siya. Nagbabanta siya na kung hindi ko siya papakasalan ay maghiwalay na raw kami. Ano po ang gagawin ko? - Rosy

Dear Rosy,

Hinahangaan ko ang disposisyon mong hindi muna mag-asawa sa kabila ng nasa tamang edad ka na. ‘Di ka mapipilit ng nobyo mo kung ayaw mo pang magpatali sa kanya. Kung talagang mahal ka niya ay hindi ka niya pagbabantaan. Kung hindi niya magawang maghintay, marahil hindi siya ang lalaking para sa iyo. Ang pagpapakasal ay dapat parehong desisyon ng dalawang tao. Hindi dahil sa napipilitan ka lang. Sundin mo ang gusto ng inyong kalooban. Maghintay ka ng tamang lalaki na handang maghihintay din  sa tamang panahon kung kailan ka na handang lumagay sa tahimik.

Sumasaiyo,

Vanezza