‘Di ako mahal ng mahal ko

Dear Vanezza,

Hindi ko po maintindihan ang sarili ko. May bf po ako dati. Minahal ko po siya nang lubos pero alam ko po hindi niya ako minahal. Wala kaming formal break-up. Meron po akong bf ngayon. Lahat po ng gusto ko ay kanyang binibigay. Alam ko po na mahal na mahal niya ako at kaya niyang isakripisyo ang buhay para sa akin. Mahal ko naman po siya kaso mas mahal ko po ang aking ex-bf. Minsan po ako ay napapatawa kapag naaalala ko ang ex ko at naiiyak kapag aking naiisip ang mga bagay na isinakripisyo ko para sa kanya. Naguguluhan po ako. - Myta

Dear Myta,

May mga katotohanan sa buhay na gaano man kasakit ay dapat tanggapin. Mahal mo ang dating nobyo pero hindi ka naman mahal. Heto naman ang bago mong bf na hindi mo mahal pero mahal na mahal ka. Sabagay mahirap turuan ang puso. Pero hindi man puwedeng turuan, harapin  mo ang katotohanang hindi ka na mahal ng taong mahal mo. Hindi dapat huminto ang mundo sa pag-ikot dahil lamang sa isang taong ayaw ka nang mahalin.

Sumasaiyo,

Vanezza