Gustong kumalas sa karelasyong Tibo

Dear Vanezza,

Tawagin mo na lang akong Che. Mayroon akong kare-lasyon ngayon na kapwa ko babae. Pareho kaming tomboy. Kaso, mas macho ang itsura niya sa akin. Ako kahit may lesbian tendency ay may natitira pa ring pusong babae. Sa pagbabasa ko ng Bible at pagdalo sa mga Christian fellowship, na-convict ako na mali ang ginagawa kong pakikipagrelasyon sa katulad kong babae. May nanliligaw sa akin sa church. Isa siya sa mga kabataang church workers. Noong una’y wala akong masyadong nadarama sa kanya. Habang tumatagal ay napapamahal siya sa akin. Alam niya ang relasyon ko sa t-bird at sabi niya, dapat akong kumawala sa ganoong relasyon dahil hindi ito kalugud-lugod sa Diyos. Gusto ko na ngayong makipag-break sa aking kinakasama. Tama ba ang gagawin ko?

Dear Che,

Kaloob ng Diyos na makakilala ka at tumanggap sa Kanya at ngayong may conviction kang nadarama ay huwag mong patigasin ang iyong puso. I-share mo sa karelasyong tomboy ang mga natutuhan mo sa church. Malay mo, makakilala rin siya at tumanggap kay Hesus. Lakipan mo ng taimtim na pananalangin para mamagitan ang Panginoon sa kanyang pagbabago. Unti-unti mong imulat sa kanya na hindi kalugud-lugod sa Diyos ang inyong pagasama at dapat na ninyo itong tapusin.

Sumasaiyo,

Vanezza