Dating life ng mag-asawa

Sa kabila ng marami nang naghihiwalay na relasyon, mayroon pa rin ang nakaka-survive na nagsasama ng 30 years o higit pa na nanatili sa iisang bubong sa kanilang buhay mag-asawa.

Isa sa kanilang sekreto sa loob ng 40 years, hindi sila tumitigil na makipag-date sa isa’t isa.  Si Daddy ay nagbibigay pa rin ng bouquet ng bulaklak o regalo pag-uwi ng bahay. Si Mommy ay nagbibihis pa rin kapag weekends, tuwing lalabas ang mag-asawa. Makikita pa rin silang naka-holding hands; meron pa rin silang hello at goodbye kiss; nag-i-explore pa rin sa mga bagong restaurant na kakainan; naglalakad sa park o mall; nag-iiwan pa rin ng love notes sa pitaka ni mister at coffee maker ni misis. Mas higit na in love sila hanggang n  gayon.

Ang work at mga bata man ay umaagaw ng atensiyon, pero hindi ito dahilan para tumigil na rin ang dating life ng mag-asawa. 

Ipaglaban pa rin ang forever. Hindi naman kailangan magastos, ang simpleng huntahan sa kusina, pag-attend ng party na magkasama, panonood ng sine, concert, live stand–up comedy, kantahan sa karaoke, at intimate moments ay nagpapaningas ng apoy sa mag-asawa.

Kaya ka nga nag-asawa dahil masaya ang dating life n’yo ni misis, at ‘di ito dapat tumigil habang tumatagal at nagkakaedad.