Island of the undead (100)
TAKANG-TAKA si Miley, paanong nangyari na ang mga malulupit na mga undead soldiers ay nagsipagtakbuhan?
“Nag-experiment lang ako, Miley. Itong tanim na ito na nasa ilalim ng dagat pero kayang-kayang abutin dahil mababaw lang naman, napisa ko kasi nang hindi sinasadya ang matabang dahon. Nabanguhan ako. Iyung nakalapit na sa aking undead soldier, nakita ko, masuka-suka. Ayaw pala nila ng mabango!Para sa kanila ay mabaho ‘yon!”
“Nang nakita namin ang nangyari, gumaya kami kay Dok, pumisa rin kami ng mga matatabang dahon! Hayun, takbuhan silang lahat!”
“Iyon lang pala ang panlaban sa kanila? Mula sa nature ... ‘yung mabango!”
“Miley, nasaan na sina Lorenz at Blizzard?”
“Mga bihag sila ni Reyna Coreana. Papatayin daw ‘yung dalawa kapag hindi kayo sumama sa akin ni Doktora Joanne. At gawin uli ‘yung mukha niya. Ang pangit-pangit na naman niya, Dok. Nalusaw na nga ‘yung ginawa ninyo!”
“Hindi bale. Babalik tayo doon na dala ang mga mababangong halaman! Para magtakbuhan sila! I’m sure na pati si Reyna Coreana ay ayaw din nang mabango!”
“Sa mga nakaimbak ngang mga gamit niya sa bodega, parang wala tayong napansin na pabango. Tama ba ako?”
“Hindi, Miley. Meron. Gumagamit siya ng mga pabango. Pero ang kinatatakutan lang ng mga sundalo niya ay ‘yung nature. Gawa ng Diyos. Likas. Palatandaang mga alagad nga sila ng demonyo.”
“Kung gano’n, ngayon din ay mamitas tayo ng mga mababangong tanim sa ilalim ng dagat. Mababaw lang naman, kayang-kaya nating gawin.”
“Nakapamitas na kami, Miley! Pero konti lang! Wala na kasi! Hindi sagana sa mga ganitong tanim ang karagatan.” Nagsalita ang tao ni Lorenz.
“What? Bitin tayo sa ating mga sandata?”
“Siguradong may mga lugar dito na sagana ang mga ganoong tanim, Miley. It’s just a matter of paghahanap nang buong tiyaga.”
“Kailangang magtiyaga tayo. Walang magrereklamo. Malapit na tayong makalaya. Pasasaan ba.”
“Puntahan natin ang lahat na direksiyon ng karagatan. Ang mga magagaling lumangoy, pumailalim at maghanap. Ang mga hindi marunong lumangoy, sa mga pampang, sa mga mabababaw na bahagi, doon maghanap.”
“Pero paano na sina Lorenz at Blizzard. Dok, kapag hindi ka nakabalik doon, siguradong papatayin na sila ni Reyna Coreana! -ITUTULOY
- Latest
