Mas ‘macho’ si mister kung ...

(Last Part)

Ito ay huling bahagi kung paano mas maipapakita ni mister ang pagi­ging “macho” niya at mabuting asawa at ama sa kanyang pamilya. Narito pa ang ilang hakbang:

Magbigay ng panahon para makinig – Kahit pagod, magbigay ng kahit na kaunting panahon para makinig sa nais sabihin sa’yo ng iyong misis. Pilitin mo rin siyang unawain. Kung makapagbibigay ng mga salitang makapagpapa-comfort sa kanya, mas mabuting gawin ito.

Maging “sweet” – Napakahirap mapanatili ang pagsasama at napakarami mong dapat gawin kung paano mananatili sa inyong pagsasama. Karaniwan, nagiging routine na sa inyo ang lahat ng inyong ginagawa dahil sa tagal ninyong mag-asawa. Dahil dito, puwede naman kayong magplanong mag-travel sa ibang lugar upang mag-bonding dalawang mag-asawa.  Kahit kasama pa ang inyong mga tsikiting ay nagbibigay pa rin ito ng excitement sa misis na babae dahil nakikita niya kung paano siya itrato ng kanyang mister kasama ang kanilang anak.

Huwag kalimutan bakit mo siya pinakasalan – May lalaki pa ring pinakakasalan muli ang kanilang asawa, bilang pagre-renew ng kanilang “vow” na tanda ng kanyang pagmamahal kay wifie. Ang maganda pa nito, dahil sa malalaki na ang kanilang ang anak sila pa ang ginagawa nilang abay na nagpapatibay sa buong pamilya.