Lahat inis sa kanya

Dear Vanezza,

Itago mo na lang ako sa pangalang Mr. X. Feeling ko kasi lahat ng friends, family, ka-officemates at kahit gf ko ay kinaiinisan ako. Pls. give me some advice kung paano ko mababago ang attitude ko at kung paano nila ako tatanggapin.

Dear Mr. X,

Simulan mo ang pagbabago sa iyong sarili. Maaaring nakakagawa ka ng mga bagay na nakakasakit sa kanila o di kaya’y nakakapagsalita ng hindi maganda kaya ganun na lang ang pagka-”hate” nila sa’yo. Kung maganda ang ipinapakita mo, siguro nama’y hindi ka nila kamumuhian. Kausapin mo sila ng masinsinan at alamin mismo sa kanila kung ano ba ang ayaw nila sa’yo at handa mo itong baguhin. Humingi ka ng sorry sa kanila at mangakong hindi na ito mauulit. Baka magising ka na lang isang araw na “me against the world” ka na.

Sumasaiyo,

Vanezza