Para hindi ka bungangaan ni Ate (2)
Ito ay huling bahagi ng paksa kung paano mo maiiwasan na mabungangaan ka ng iyong misis/gf. Narito pa ang ilang paraan:
Tumulong sa gawaing bahay – Kung naririnig mo ang iyong misis/gf na lagi nagagalit dahil sa dami ng trabaho sa loob ng inyong bahay, maaaring nahihirapan na siya. Kaya bilang kanyang partner dapat ay may kontribusyon ka rin sa loob ng inyong bahay. Dahil hindi naman siya “maid” o katulong mo, lalo na kung nagtatrabaho rin siya sa labas ng bahay.
Makipagkuwentuhan – Maaaring isang dahilan kaya nagiging mabunganga ang iyong misis/gf ay dahil hindi na siya “updated” sa iyong buhay kapag nasa labas ka. Kung nangako ka na maglilinis ng garahe at hindi mo ito nagawa sa itinakda mong araw, ipaliwanag sa kanya ang dahilan upang malaman niya ang iyong mga schedules.
Sa totoo lang hindi naman mahirap pakisamahan ang mga babae, may mga lalaki lang talaga na hindi naiintindihan ang pinakamalalim na bahagi ng emosyon ng mga kababaihan. Kung susundin ang mga nabanggit sa itaas, Malaki ang posibilidad na magkaroon kayo ng maayos na pagsasama.
- Latest
