Sumikat sa iyong Propesyon

Kung ang propesyon mo ay kinakailangang makilala ang iyong pangalan—artista, model, singer, writer, sportsman, politician, doctor, etc.—buhayin mo ang fame corner o southern corner ng salas. Paano?

Ang ruling element ng south ay fire kaya’t mainam na maglagay dito ng maliwanag na ilaw, poster ng sumisikat na araw, gamit na kulay pula or anything na may kinalaman sa fire.

Ang compatible na element sa fire ay wood. Kaya mainam  na magdispley sa south ng halaman, poster ng puno na hitik na hitik ng bunga, mga inukit na kahoy. Iwasang ilagay sa fame corner ang tubig (aquarium, swimming pool) dahil magkakontra ang fire at water. Ang tubig ang pumapatay sa apoy. Ang resulta ay papatayin nito ang inyong hanapbuhay.

Mgdispley ng horse—figurine o picture. Ang horse na magandang idispley ay may karga sa kanyang likod na gold coins, gold ingot, pearl, precious stones.

Mas mainam kung ang horse ay puti, dapat ay inaakay ito ng tao at hindi sinasakyan. Ang pag-akay sa horse ay simbolo ng pagsulong at promotion. Kung may nakasakay sa likod nito, ito ay naglalarawan ng pinapahirapan siya at inaalipin.