Potensiyal sa Pagkita ng Pera

Last Part

Birth Date 6, 15, 24: Mabilis humanap ng pagkakakitaan ang mga taong 6. Madalas ay dumarating ang pera nila mula sa mga hindi inaasahang pagkakataon. Kapag nagigipit ay mabilis makadelihensiya ng pera. Bukod sa taong 2, sila na mga taong 6 ay sinusuwerte rin na makatagpo ng asawang mayaman.

7, 16, 25: Ang pera ay nakukuha ng taong 7 sa pamamagitan ng tiyaga at pagkakaroon ng positibong pananaw. Karamihan sa taong 7 ay hindi materialistic. Yumayaman sila kung kailan matanda na—mga 50 anyos pataas. Iwasan ng mga taong 7 ang magpautang dahil madalas ay hindi na sila nababayaran.

8, 17, 26: Kadalasan ay malaki ang kinikita ng taong 8. Sa isang research na ginawa ng isang numerologist sa Amerika, karamihan sa mga multimillionaires ay taong 8.  Pero sa lahat ng numero (1 – 9), taong 8 ang madalas daw ninanakawan ng kanilang mga utusan o tauhan.

9, 18, 27: Mabilis ‘gumawa’ ng pera ang taong 9 kaysa taong 8. Kumbaga, katakot-takot munang hirap ang pagdadaanan ng taong 8 bago maging mayaman pero hindi ang taong 9. Walang kiyeme ang taong 9. Kontrolado niya ang kanyang kapalaran. Alam niya kung kailan siya dapat maging sigurista at kung kailan dapat sumugal.