Bakit nangangamoy ang ‘flower’?

(Part 3)

Normal lang na may amoy ang vagina.

Ang kombinasyon ng fluid at bacteria na siyang bumubuo sa vaginal discharge at lumilikha ng amoy.

May pagkakataong hindi normal ang amoy ng vagina.

Mga karaniwang sanhi ng vaginal odor:

Natalakay na natin ang tungkol sa Bacterial vaginosis (BV) kung saan kapag may gumulo sa normal na ecosystem ng vagina, nagkakaroon ng ‘unhealthy bacteria tulad ng BV at tungkol sa maamoy na pagkain  kung saan ang iyong kinakain ay may epekto sa iyong katawan pati na rin sa ‘private’ part. Ang iba pang sanhi ng vaginal odor ay ang mga sumusunod

Iniinom na Gamot/Supplements - Ang mga gamot tulad ng antibiotics ay maaaring makaapekto sa bacterial balance ng vagina na magiging sanhi ng pagbabago ng amoy at discharge.

Ang antihistamines ay maaaring maging sanhi ng vaginal dryness at nakakabawas ng vaginal secretions na may effect din. Maaari ring maging sanhi ng vaginal odor ang herbal therapies at mga essential oils.

Pawis – Tulad sa kilikili area, ang balat sa paligid ng genitals ay maaaring magpawis. Kapag humalo ang pawis sa vaginal discharge ay mas lalong lalakas ang amoy ng vagina. Natural na amoy ito pero kung minsan ay masakit na ito sa ilong.

Para hindi ma­ngamoy, magpalit agad ng damit pagkatapos magpawis at magsuot ng mga “breathable fabrics”.