Pag-aaral muna bago ‘crush’

Dear Vanezza,

Tawagin n’yo na lang po akong Aisa, high school student. Mayroon po akong crush sa school. Matangkad at super guwapo po. Tawag sa kanya ay crush ng bayan. Ang galing pa niya sa basketball at lagi ko siyang pinapanood kapag may laro sila. Kaso po nabalitaan ko na gf na niya yung isang classmate ko. Kaya pala kahit anong gawin ko hindi niya ako pinapansin. Masakit pala ang ganito. Maganda naman ako. Pero talagang crush na crush ko po siya. Ano kaya ang mabuti kong gawin para mapansin niya ako?

Dear Aisa,

Kung may gf na ang crush mo, mabuting huwag mo nang ipilit ang iyong sarili. Kasi, masasaktan ka lang. Isipin mo na lang na hindi ikaw ang nawalan kundi siya. Hindi rin maganda sa isang babae na siya ang gagawa ng paraan para mapansin ng lalaki. Okay lang magka-crush dahil natural iyan pero mas mabuti kung sa pag-aaral ka magseseryoso. Marami ka pang mami-meet na higit sa kanya kaya ituring mong bahagi ng iyong teenage years ang “mabasted” kaya don’t take it seriously.

Sumasaiyo,

Vanezza