Mga kakatwang bagay sa utak ng lalaki

Gusto mo bang malaman kung anu-anong bagay ang iniisip ng iyong “Prince Charming”? Narito ang ilang bagay na nasa kanyang utak:

Nag-iisip siya ng mga bagay na pambabae – Hindi lang babae ang palaging nag-iisip ng pagkaing masarap kainin at lutuin, maging sa isip ng lahi ni Adan ay sumasagi rin ito. Iniisip din minsan ng mga lalaki ang maging “fashionista”. Nagpaplano rin sila ng advance sa kanilang mga isusuot o ipapangporma. Pero, sa totoo lang hindi nila ito sinasabi sa kanilang kapwa lalaki dahil sa tingin nila hindi bagay sa isang lalaki ang magkuwento ng bagay na ito.

Nag-iisip ng tungkol sa sex – Hindi maiaalis sa mga lalaki ang mag-isip ng tungkol sa sex. Mabilis ang imahinasyon ng mga lalaki. Makakita lang ito ng babaeng sexy ay malayo na ang nararating ng kanyang imahinasyon. Sa totoo lang, 19 beses sa loob ng isang araw nakakaisip ang lalaki ng mga bagay na patungkol sa sex.

Nag-iisip siya ng mga negatibong bagay sa kanyang sarili – Kahit gaano ka pa ka-macho ang isang lalaki, naiisip din niya ang kanyang mga kahinaan o insecurities. Gaya ng pagpapaganda sa kanyang katawan, kung siya ay payat o mataba, siyempre gusto niyang magkaroon ng “good appearance” lalo na sa mga babae.

Nami-miss niya ang pagiging binata o mapag-isa – Kahit pa gaano siya kasaya kapag kasama ka niya. May mga panahon pa rin na gusto niyang magsolo kung saan maaari niyang gawin ang lahat ng nais niyang gawin.