lumabas ng kulungan

Panaginip: Ang panaginip ko’y bumalik ako sa pagiging high school. Nagtatalo kami ng aking ex-boyfriend sa loob ng campus nang biglang may bumagsak na bomba sa aming harapan. Nagbago ang paligid na parang may giyera at nagkakagulo ang mga tao. Hinuli ng mga sundalo ang lahat ng tao at ikinulong sa isang malaking hawla ng ibon. Pero pinalabas ako sa kulungan. May lalaking naghihintay sa akin sa labas. Naghalikan kami. .--- Flory

Interpretation: Ang school setting sa iyong panaginip ay nagpapahayag na may natutuhan ka sa iyong pakikipagrelasyon sa ex-boyfriend. Kaya lang ay mukhang hindi naging maganda ang inyong paghihiwalay dahil naging war zone ang kapaligiran habang kayo ay nagtatalo.

Ang pangyayaring ikaw ay ikinulong ay representasyon ng pansamantala mong pamamahinga sa pag-ibig. Marahil ay hindi ka muna nag-entertain ng manliligaw. Ngayon ay nararamdaman mo na ready ka na uling magmahal kaya pakakawalan mo na ang iyong puso. Ito ang ibig sabihin ng pinalabas ka sa kulungan at nakipaghalikan sa isang lalaki.