Duda sa ‘status’ ng bf

Dear Vanezza,

May bf po ako at mag-iisang taon na kami. Ang problema ko ay nahihiwagaan ako sa kanya. Nakilala ko lang siya sa Facebook at mula noon ay nagpalitan na kami ng text messages hanggang sa magkita kami. Wala siyang sinasabi tungkol sa kanyang pamilya at ilang beses ko na ring sinabi na gusto kong makilala ang mga parents niya pero parang umiiwas siya. Nagmamahalan kami at mga twice ko nang naipaubaya sa kanya ang sarili ko. Pero nitong mga nakaraang araw ay ayaw ko nang sumama sa kanya kapag nagyayayang mag-motel kami. Natatakot kasi ako dahil baka may asawa na siya. Kung makikipag-break ako sa kanya ay papaano na ako? Siya ang unang lalaking nakakuha sa akin. Payuhan mo sana ako. - Trixie

Dear Trixie,

Matapos mong maibigay ang iyong sarili ng dalawang ulit ay ngayon ka lang nakadarama ng takot na baka may asawa na siya. Dapat inisip mp ‘yan sa simula pa lang. Kung masyadong malihim ang bf mo, baka nga may itinatago. Huwag ka ng maghintay na mabuntis ka. Mag-imbestiga ka para malaman mo ang buong pagkatao niya kung ayaw niyang magsalita. 

Sumasaiyo,

Vanezza