Paano magbigay ng respeto?

Last part

Ito ay karugtong ng talakayan kung paano mo makukuha ang respeto ng iyong partner. Narito ang ilang paraan:

Maging totoo – Mahalaga sa isang relasyon ang pagiging totoo sa isa’t isa. Kung anuman ang iyong pagkatao, ugali, opinion at paniniwala, mas mabuting ipakita ito sa kanya. Kung ikaw ay kalog o tahimik, dapat ay alam niya rin ito. Hindi mo maaaring itago ang tunay mong pagkatao sa iyong partner lalo na kung alam mo naman na siya na talaga ang makakasama mo sa habambuhay. Pero, dapat ay magkaroon at magpakita ka rin ng kumpiyansa sa sarili at nagtataglay ng kahit na konting karunungan para mas maging maganda at “sexy” ang iyong dating.

Mahalin mo ang iyong sarili – Para mas respetuhin ka ng iyong partner, ipakita mo rin na mahal mo ang iyong sarili. Huwag kang umasa sa pagmamahal ng iba na siyang paghuhugutan mo ng iyong kumpiyansa at pag-asa. Maging masaya sa lahat ng oras anuman ang pinagdadaanan. Hindi ka niya rerespetuhin kung masyado kang nakasandal sa kanya “emotionally”.