Mister na babakla-bakla

Panaginip: Madalas kong marinig na pinipintasan ng ibang tao ang aking mister. Malambot daw ito na parang babakla-bakla. Sa aking panaginip, nahuli ko siyang nakikipagtalik sa kapwa niya lalaki na nagkataong kumpare namin. Walang anuman na inamin niya sa akin na ayaw na niya sa akin.---Sweet Summer

Interpretation: Ang naririnig mong pintas tungkol sa gender ng iyong mister ang isa sa dahilan kung bakit napanaginipan mong bakla siya. Anuman ang ating marinig ay ina-absorb ng ating utak. Lalo na at ang comment ay hindi maganda—ito ay dumidikit na mabuti hanggang sa kaliit-liitang himaymay ng iyong brain cells. Kaya ang resulta ay isang panaginip as an outlet ng iyong emosyon.

Pero huwag kang mag-alala. Malayo sa kinatatakutan mo ang interpretasyon ng iyong napanaginipan. Ang iyong mister at ang inyong kumpare ay gagawa ng pabor sa isa’t isa. Basta’t magkakatulungan sila at pareho silang makikinabang sa kanilang gagawin.