Ano ang iyong Name number? (Last Part)

Name number 7 meaning

Ang naidudulot na vibration ng name number 7 ay kapangyarihan at mahilig mapag-isa dahil sa mataas na pagpapahalaga sa privacy.  Kadalasan sila ay malihim at quality conscious sa produktong gagamitin o taong pakikisamahan. Ayaw niya ng maingay  (environment man o tao) at labis niyang ikinaiirita ang trabahong palpak dahil walang focus at hindi sineryoso ang ginagawa. Mas aasenso sa mga propesyong may kinalaman sa pag-iimbestiga, pag-aanalisa o anumang trabaho na mas ginaga­mit ang isip kaysa pisikal na lakas. Mga ugaling hindi maganda ay ang pagiging mailap, laging may pagdududa, aristokrata, mali lagi ang nakikita at perfectionist.

Name number 8 meaning

Ang positive traits na tinataglay ng may name number 8 ay may leadership siya at nababagay sa corporate world; may talent sa pagpapalago ng negosyo. Pagkakakitaan niya ang pagiging problem solver or trouble shooter. Mapagkakatiwalaan, maaasahan at mabilis mag-isip. Kaya lang may tendency na maging demanding at maikli ang pasensiya.

Name number 9 meaning

Ang may name number 9 ay maawain, matulungin at gagawin ang lahat makatulong lamang sa mga nanga­ngailangan. Kadalasan ay may magnetic personality, romantic at kagalang-galang. Mas aasenso sa propesyong may kinalaman sa communication at arts. Gugustuhin din niyang magtrabaho sa humanitarian agencies. Sa kabilang banda, puwede rin siyang walang pakialam sa mundo, emosyunal at mapagtanim ng galit.