Humanap ng tunay na pag-ibig

Dear Vanezza,

May ka-live-in ako at five years na rin kaming nagsasama. Hanggang sa muli akong umibig sa isang lalaking may anak. May ka-live-in din siya at sabi niya nagsasama lang daw sila dahil sa bata. Hindi ko na mahal ang kinakasama ko ngayon at gusto ko na siyang hiwalayan. Gusto ng bago kong pag-ibig na magsama kami at hihiwalayan niya ang ka-live-in niya. Pangarap ko na magkaroon ng sariling pamilya at magkaroon ng anak. Mahal na mahal ko ang pangalawa. Ano ang dapat kong gawin? - Michie

Dear Michie,

Lilipat ka lang ng ibang kandungan pero live-in pa rin. Hihiwalay ka sa una para makipag-live-in din. Mali ang iniisip mo. Hindi sa ganyang relasyon mo matatamo ang pinapangarap na pamilya. Bakit hindi ka humanap ng walang sabit? Isang lalaking walang asawa at makakasama sa habambuhay. Lubha mo lang ginugulo ang buhay mo. Gamitin mo ang iyong isip. Huwag mong hayaang maging alipin ka ng damdamin.

Sumasaiyo,

Vanezza