Gaano kagaling ang inyong anak? (2)

Sa pamamagitan ng birth date ng inyong anak, kilalanin ang kanilang katangian:

4—Ang batang 4 ay organisado at maayos sa kanilang gamit. Mahilig sila sa math at science. Enjoy silang maglaro mechanical games at engineering type challenges. Ang gusto niya ay gawaing  hahamunin ang kanyang isipan para masolusyunan ang isang bagay kagaya ng crossword puzzle, chess, etc. Palibhasa ay magaling mag-organize ng kanyang saloobin at ideya, may kakayahan din siyang maging writer.

5—May potensiyal maging genius ang batang 5. Siya ay matalino, positibo at maagang mag-matured ang isip o isip matanda. Natural na palatanong. Sila ang madalas magtanong nang walang katapusang BAKIT. May potensiyal maging imbentor. Upang madebelop nang maaga ang talino, ipasok sila sa magaling na eskuwelahan. Hindi na nila kailangan ang encouragement dahil likas na sa kanila ang maging masikap sa lahat ng bagay. Turuan lang silang magbalanse ng oras. May sapat na oras sa pahinga at sapat na oras sa pagtatrabaho. Kung hindi ituturo ang bagay na ito—pulos na lang trabaho ang aatupagin niya paglaki niya.

6—Ang mga batang 6 ay charming at malikhain. Sila ‘yung tipo ng batang malayong makipagtalo o makipag-away. Pasensiyoso sila kaya’t hanggang maaari ay iniiwasan niya ang mga kalarong palaaway at makukulit. Hilig nila ang mga gawaing maipapakita nila ang kanilang pagiging malikhain. Laging purihin ang kanilang ginagawa. Isang paraan ito para lalong bumukadkad ang kanilang talento. Itutuloy