Fengshui Business Tips

1—Kung maliit ang space ng restaurant pero maraming kumakain dito, kontra sa restaurant owner’s interest ang mga kostumer na nagkukuwentuhan at tumatambay nang matagal pagkatapos kumain. Ang  epekto ay hindi makapasok ang ibang kostumer dahil walang bakanteng table.

2—Upang umalis kaagad ang kostumer matapos kumain, maglagay ng malaking mirror sa dining area. Ang mirror ay nagpapabilis ng kilos ng energy. Kung ganito, hindi gugustuhin ng kostumer magtagal sa restaurant. Hindi sila mapi-feel at home na mag-stay ng matagal dahil mabilis ang ikot ng energy sa loob ng dining area.

3—Kaya pansinin mo ang mga Chinese restaurant, laging may mirror na malaki ang kanilang dining area. Kasi double purpose, para madoble ang dami ng kostumer at mabilis silang lumabas para makapasok kaagad ang new costumers.

4—Paniwala ng mga Singaporean Fengshui experts: Ang mga business establishments na nasa tapat ng bus stops ay masuwerte.

5—Ang busina ng bus ay nagdadala ng good energy. Kapag huminto ang bus sa bus stops, ang good energy na bitbit nila ay tatangayin ng hangin at magta-transfer naman sa mga business establishments na malapit sa bus stop. Ito raw ang sekreto kung bakit maraming shops sa Singapore ang itinatayo malapit sa bus stops.