Alisin ang kamot sa balat... (1)
Maraming mga kababaihan ang hanggang ngayon ay hindi malaman kung paanong aalisin ang stretch marks sa kanilang katawan na dulot ng panganganak o di kaya ay pagtaba o biglaang pagpayat. Minsan, hindi rin nila maisuot ang mga damit na nais nilang isuot dahil makikita ang mga itinatagong stretch marks. May iba pa nga na nagpupunta pa sa mga ekspertong surgeon para lang maalis ang mga “kamot†sa kanilang katawan. Pero, kung wala kang budget para dito may iba pang paraan na hindi mo kailangan gumastos ng sobra-sobra sa iyong budget. Narito ang ilang paraan:
Itlog - Hindi lang sa mukha epektibo ang puti ng itlog para gawin itong face mask. Makakabuti rin ito sa kabuuan ng iyong balat. Pahiran ng puting itlog ang iyong stretch marks at patuyuin ito. Bagama’t malagkit, kailangan mo itong tiisin. Mag-apply nito tatlong beses sa isang araw o di kaya ay bago maligo sa umaga at bago matulog sa gabi.
Makikita ang unti-unting pagbabago sa iyong balat na tinamaan ng “kamotâ€.
(Itutuloy)
- Latest
