Dapat na sawatain ang pambababae

Dear vanezza,

Mahigit 18 years na kaming mag-asawa at hindi ko magawang iwan ang asawa ko dahil mahal na mahal ko siya sa kabila ng kanyang pambababae. Limang beses na niyang ginawa ang magtaksil sa akin. Lalaki lang daw siya. Tinitiis ko na lang ang pambababae niya dahil ayaw ko namang mag-away kami na baka mauwi lang sa hiwalayan. Ano po ba ang mabuti kong gawin? - Martina

Dear Martina,

Likas daw sa mga lalaki ang pagiging babaero. Pero maling kaisipan ito. Babae man o lalaki ang mangaliwa ay parehong kasalanan at hindi dapat kunsintihin. Kung hindi ka kikibo ay hindi malu­lutas ang problema. Pero may mga dahilan bakit nangangaliwa ang asawa. Baka napapaba­yaan mo na ang iyong sarili? May mga misis na nagkaanak lang ay hindi na nag-aayos at nagpapabango. Kung hindi ka naman nagkukulang sa kanya, dapat kayong mag-usap para malinawan mo kung ano ang inaayawan niya sa iyo. Mahalaga ang komunikasyon sa mag-asawa para makapag-adjust sa isa’t isa.

Sumasaiyo,

Vanezza