Umiiral ang ‘pride’ at hindi pag-ibig

Dear Vanezza,

Itago mo na lang ako sa pangalang Kyla. Last year po ay may masugid akong manliligaw. Hindi ko siya iniintindi dahil hindi ko siya type. Matagal siyang nanligaw sa akin pero hindi ko mapilit  ang sarili ko na ibigin siya. Tinapat ko na siya na wala siyang maaasahan. Maginoo naman niyang tinanggap ang kanyang kabiguan. Hanggang malaman ko na lang na magsyota na sila ng best friend ko. Nasaktan po ako. Hindi ko maintindihan kung bakit. Wala naman akong gusto sa kanya pero bakit ganoon?

Dear Kyla,

Actually, pride mo ang nasaktan. Hindi ka nasaktan dahil mahal mo ang lalaki kundi dahil madaling ibinaling sa iba nang lalaking nanligaw sa iyo ang kanyang pagmamahal. Isa pa, kaibigan mong matalik ang kanyang naging gf. Don’t take that against your friend. Isipin mo na lang na ang lalaking binasted mo ay may karapatang manligaw at mahalin ng iba.

Sumasaiyo,

Vanezza