Batugang mister...

Dear Vanezza,

Tawagin mo na lang akong Meena, 41 years old at may-asawa. Isa akong maybahay. Ang problema ko ay ang asawa ko na batugan. Noong una’y hindi siya ganyan. Pareho kaming may trabaho. Pero nakaranas siya ng intriga sa pinapasukan niyang trabaho. Na-demote siya sa tungkulin at ito’y isang bagay na ikinainis niya. Hanggang sa mag-resign siya at hindi na humanap ng trabaho. Dalawang taon na mula noon at ang tanging ginagawa niya ay mga gawaing-bahay. Nagluluto, naglalaba. Paano ko kaya siya mamo-motivate na magtrabaho uli?

Dear Meena,

Hindi batugan ang mister mo kung siya ang gumagawa ng mga gawaing bahay na dapat ikaw ang gumagawa, Nagkataong biktima kayo ng mga hindi magandang pangyayari. Matatawag mo siyang tamad kung wala na siyang ginawa kundi humilata sa bahay, manood ng tv o kaya’y magsugal at uminom. Pero mabuting asawa pa rin ang mister mo. Huwag kang maiinis sa kanya. Sa halip ay bigyan mo siya ng encouragement at motibasyon para mabalik sa normal ang inyong buhay. Dapat talaga ay lalaki ang nagtatrabaho at ang babae ang gumagawa ng mga gawaing bahay.

Sumasaiyo,

Vanezza