Nakakuha ng STD sa GRO

Dear Vanezza,

Itago nyo na lang po ang totoo kong pangalan. Personal po kasi ang problema ko at medyo mabigat. Ako po’y first year college student. Niyaya ako ng mga katropa ko sa isang “red house”. Wala pa raw kasi akong experience sa sex kaya bibinyagan daw ako. Matapos ang isang linggo ay nahihirapan na akong umihi. Tapos may mantsa ang aking brief. Nakuha ko po yata ito sa babaeng ibinigay sa akin. Sinisik­reto ko po ito sa aking mga magulang at kapatid dahil nakakahiya at baka gulpihin ako ng tatay ko. Gusto ko sanang magtanong kung may alam ka bang effective na gamot. Nahihiya po kasi akong lumapit sa doctor. Sana’y matulungan mo ako.

Sagot:

Sa ayaw at sa gusto mo, kailangan mong kumonsulta sa doctor na siyang may higit na kaalaman para magbigay at magreseta sa iyo ng mabisang gamot. Gawin mo iyan habang maaga para hindi na lumala pa ang karamdaman mo. Kung hindi, kakalat ang virus sa katawan mo at magkakaroon ng komplikasyong puwedeng mauwi sa mas malalang sakit o infection. Madali lang ang gamutan diyan pero talagang doctor lang ang tanging makatutulong sa iyo. Maging aral sana sa’yo ang naging karanasan mo.

Sumasaiyo,

Vanezza