May mahal na iba

Dear Vanezza,

Just call me Omer, 3rd year college student. Mayroon akong gf, si Myrna. Three years na kami, pero may nakilala akong ibang babae. Fisrt time kong ma-in-love muli. Hindi ko napigilan ang sarili ko at niligawan ko siya. Iba ang feelings ko sa kanya. Mahal ko ang aking gf pero iba ang intensity ng damdamin ko kay Irma. Naging mag-on kami. For sure, natiyak ko sa sarili ko na mas mahal ko si Irma. Walang kaalam-alam si Myrna tungkol sa bago kong relasyon. Hindi ko ipinakikita sa kanya na nanlalamig ako. Pero habang nagtatagal, parang naaawa na ako sa kanya. Para bang niloloko ko lang siya. Pero hirap na hirap akong sabihin sa kanya ang totoo. Gusto ko na siyang kalasan pero hindi ko magawa dahil wala akong lakas ng loob. Tulungan mo sana ako.

Dear Omer,

Wala kang ibang magagawa kundi ang ipagtapat ang totoo. Mas masama kung lilinlangin mo siya at magkukunwaring mahal mo pa rin siya. Sooner or later ay malalaman din niya ang katotohanan kaya sabihin mo na ito sa kanya at harapin ang consequence nito. Posibleng makatikim ka sa kanya ng masasakit na salita o kaya’t mag-iiyak siya pero ganyan talaga. Kaysa naman ipagpatuloy ang relasyon na malamig na.

Sumasaiyo,

Vanezza