Takot tumandang dalaga

Dear Vanezza,

Tawagin mo na lang akong Jaz, 32 yrs old at dalaga pa. May bf ako pero nasa Macau siya at 3 years ng nagtatrabaho doon. Madalas naman kaming magka-chat ‘pag may time siya. Ilang beses ko siyang pinilit umuwi na pero ayaw niya dahil gusto raw niyang makaipon nang sapat para sa aming future. Pero natatakot ako. Marami akong nababalitaan na nasa ganitong sitwasyon at hindi nagkakatuluyan. Inabot ko ang edad na ito na single pa dahil sa kanya.  Ayaw kong tumandang dalaga. Pangarp kong magkapamilya.  Mayroon akong manliligaw ngayon. Naiisip kong sagutin ang lalaking ito. At least kahit dito lang sa bansa natin siya nagtatrabaho kaya naman niyang bumuhay ng pamilya. Tutal ayaw umuwi ng bf ko. Tama ba ang gagawin ko?

Dear Jaz,

Personal na decision mo yan. Pero tiyakin mo na mahal mo ang manliligaw mo at saka sasagutin mo lang siya dahil naiinis ka sa bf mo. Be sure of your feelings. Mabuti rin na ipaalam mo sa bf mo ang iyong balak at sabihin ang dahilan to be fair na at ayaw mapag-iwanan ng biyahe. Pero you should do things for the right reasons. Naniniwala naman ako na sa edad mo ngayon, alam mo na ang tama at mali.

Sumasaiyo,

Vanezza