Sumakabilang-bahay si Mister

Dear Vanezza,

Isa akong “biyuda sa buhay”. Ibig sabihin, ang mister ko ay sumakabilang-bahay na. Dalawang taon na kaming hiwalay ng asawa ko. OFW siya at nilason ang isip niya ng kanyang ina. Nanlalaki raw ako at naniwala naman ang walang sari­ling isip kong mister. Buti na lang at hindi niya kinuha ang nag-iisa naming anak. Ako ay nagtatrabaho sa isang insurance. Mabuti nga’t na-promote ako dahil baka hinde ko maka­yanan ang pagpapaaral sa aking anak. Naisip ko ring magkaroon ng partner. Mayroon akong manliligaw at gusto niya ipa-annul ang kasal ko tapos magpapakasal kami. Tama ba ang gagawin ko kung sakali? - Jing

Dear Jing,

Kung totoong biktima ka lang ng paninira, may karapatan ka namang lumigaya. Kaya lang, tama ang manliligaw mo. You work out your annulment and seek the legal advice of a lawyer. Siguro nama’y mapagtutulungan ninyo ng iyong avid suitor ang pagpapa-annul in terms of gastos.

Sumasaiyo,

Vanezza