^

Pang Movies

Andrea, nag-speech sa London

TIDBITS SNIPPETS ETC. - Salve V. Asis - Pang-masa
Andrea, nag-speech sa London
Andrea

Magkakaroon ng world premiere sa London ang pinakabagong pelikula ng Rein Entertainment, ang Laya, starring Andrea Brillantes.

Nakatakda nga itong magkaroon ng World Premiere sa Nov. 7, 2026, sa Rio Cinema sa London, bilang bahagi ng Women and the World International Film Festival (WWIFF) 2026.

Napili para sa Feature Fiction Competition, ang Laya ang nag-iisang kalahok mula sa Pilipinas sa nasabing international filmfest kasabay ng mga pelikula mula sa iba’t ibang bansa tulad ng Ukraine, Kazakhstan, Canada, United States at United Kingdom.

At bilang tanging World Premiere sa festival binigyan ng special attention ang Laya sa Opening Gala Night nito noong Nobyembre 5 (oras sa London).

Dumalo sa seremonya ang bida ng pelikula na si Andrea, na nagbigay ng speech kasama ang ambassador at mga kinatawan ng hurado—bilang representative ng Pilipinas at bilang pagdiriwang sa mga tinig ng kababaihan sa mundo ng pelikula.

“Thank you for championing women’s stories in cinema. We need more spaces like this film festival; spaces that put women at the center of creativity. Laya means “freedom” in Filipino. And I believe we all deserve to be free: Free to love, free to live, and free to create,” pahayag ni Andrea sa kanyang speech.

Sa direksyon ng mahusay na filmmaker na si Sigrid Andrea P. Bernardo (Kita Kita, I’mPerfect), kasama ng actress sa pelikula sina JC Santos at Anthony Jennings.

Pagkatapos ng world premiere screening, magkakaroon din si Andrea ng participation sa question and answer (Q&A) kasama ang mga manonood.

Sa pagmumuni-muni tungkol sa pelikula, sinabi ni Direk Bernardo: “Laya stayed with me somewhere deep. Between the ocean, whale sharks and the things we keep buried inside us, I kept thinking about freedom...”

Ito ay suportado ng Film Development Council of the Philippines sa pamamagitan ng kanilang CreatePH Large Budget Production Grant.

Ang international co-producer nito na si Arleen Cuevas ay lumahok din sa isang roundtable discussion sa UK Parliament kasama si Minister Ian Murray, na tumalakay sa paksang “Ang Papel ng Kababaihan sa Pelikula sa Panahon ng Krisis sa Mundo.”

Matapos ang premiere nito sa London, ang Laya ay ipalalabas sa mga sinehan sa buong Pilipinas simula sa Nov. 25, 2026.

ANDREA BRILLANTES

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with