Pops, ‘di kinayang magretiro

Pops Fernandez revealed na maraming beses na rin siyang nag-attempt na magretiro na as a singer and concert performer since bata pa lang daw siya nang pasukin niya ang showbiz.

“I started in the business since 13,” sey ng Concert Queen sa ginanap na solo mediacon niya last Monday for her upcoming birthday and 40th anniversary concert. “There have been many attempts na sinabi ko sa sarili ko na ‘ay ayoko na, pagod na ‘ko. Ay, ayoko na, parang ang dami nang stress.’ Parati kong sinasabi ‘yan lalo na nu’ng bata ako. ‘Ay gusto ko na mag-retire.’”

Pero hanggang sa isip lang daw niya ito at hindi niya naman talaga nagagawa dahil truth is, hinahanap-hanap din daw ng katawan niya ang pag-awit at pagpe-perform.

“Somehow, nami-miss ko siya. Somehow, pagkasabi ko no’n, a few months after, ‘ay, gusto ko pala ulit mag-work,’” saad niya.

Although aniya, kung tutuusin ay matagal na rin daw siyang semi-retired.

“If you notice, hindi na po talaga ako nagso-show as much as I used to. All these shows that I’m doing is for special reasons and special occasions.

“So, masasabi ko po na semi-retired na ako, but to really say goodbye, again, baka hanap-hanapin ko rin, magsisi lang ako na sinabi ko na ‘ay sinabi ko, hindi na,’ ‘di ba?

“So, paminsan-minsan din po, babalik at babalik ako, magso-show ako whether it’s a big venue or a small venue,” pahayag ng Concert Queen.

Dagdag pa niya, “mami-miss ko po ito, kasi dito ako lumaki. Madami akong natutunan, madami akong na-experience, not just in my career, but also in life dahil sa trabaho kong ito.”

Sa apat na dekada niya sa showbiz, sinabi ni Pipay na sobrang grateful siya dahil naging mabait sa kanya ang industriya, pati na ang publiko na minahal siya nang sobra-sobra.

Hindi na rin naman matatawaran talaga ang naiambag ni Pops sa showbiz and in fact, isa rin siya sa maituturing na icon sa music industry with record-breaking and sold-out concerts, multiple platinum albums and various awards and recognitions hindi lang bilang singer kundi bilang TV host at aktres din.

Kaya naman sa kanyang ika-40 taon sa industriya and 60th birthday as well ay nais niya itong i-celebrate kasama ang kanyang supporters at kasamahan sa industriya sa pamamagitan ng isang special concert titled Pops happening on Nov. 26 at the Newport Performing Arts Theater ng Resorts World Manila, Pasay City.

Dahil double celebration ito, tiyak na marami ring surprises si Pops sa concert kasama ang kanyang  special guests na sina Regine Velasquez, Martin Nievera, Vina Morales, Jay Durias with the special participation of Ms. Helen Gamboa. Concert director naman si Calvin Neria at music director si Homer Flores.