Anne, kinainggitan kay Connor!

Inggit na inggit ang netizens kay Anne Curtis matapos mag-post ang aktres ng larawan niya kasama ang American actor na bida ng hit TV series na Heated Rivalry na si Connor Storrie.

Base sa Instagram (IG) post ni Anne, dumalo siya sa event ng isang jewelry brand na kanyang ineendorso na ginanap sa New York City, take note, at doon ay na-meet niya si Connor.

“Drenched in blue beautiful evening spent with the @tiffanyandco for the Blue Book Gala always have the best time in nyc and the surprise performer had me singing my heart out. Thank you for having me and lending me these beautiful and elegant pieces,” caption ni Anne.

Bukod dito, sa kanyang Instagram Story ay makikita naman ang reel ng performances ni Mariah Carey sa nasabing event.

Naging fangirl bigla si Anne at sey pa niya sa caption, “OMG MARIAHHHH! The best surprise.”

Napa-‘sana all’ na lang ang netizens sa comment section lalo na nga sa photo nila ni Connor.

Pagkatapos ng kanyang event sa New York ay dumiretso si Anne sa Indio, California para manood naman ng 2nd performance ng BINI sa Coachella Valley Music Arts and Festival.

Sa IGS ng aktres ay makikita ang reel na nasa audience siya habang umaawit ng Pantropiko ang Nation’s Girl Group.

Aniya sa caption, tatlong kilometro raw ang tinakbo niya para makaabot sa performance ng grupo.

“So proud of my bb girls. Literally sprinted 3km just to make it straight from NYC!” sey ni Anne.

Bukod sa aktres, spotted din na nanood ng Coachella performance ng BINI sina Kyle Echarri, AC Bonifacio, Maja Salvador, Darren Espanto, Piolo Pascual, Alexa Ilacad, gayundin ang ABS-CBN CEO and President Carlo Katigbak.

David at Gerald, magtatapatan

Pinaghahandaan ngayon nang todo ni David Licauco ang pagtatapat nila ni Gerald Anderson sa gaganaping basketball tournament na Bida sa Arena: Ultimate Celebrity Showdown.

Sa nasabing tournament ay masasaksihan ang pinakaaabangang pagbabanggaan sa court ng Kapuso at Kapamilya stars.

Si David ang mamununo or captain ng Sparkle team na kinabibilangan nina Dustin Yu, Rayver Cruz, Mavy Legaspi, Paul Salas, Anthony Constantino, EA Guzman, Andre Paras, Kimson Tan, Prince Carlos at Mateo Monzones.

Si Gerald naman ang team captain ng Th3rd Floor na kinabibilangan nina Vhong Navarro, Richard Gutierrez, Jameson Blake, Emilio Daez, Tommy Tiangco, Binsoy Namoca, RK Bagatsing, Johannes Rissler, Argel Saycon, Tristan Ramirez, Elysion de Dios and Malupiton.

Sabi ni David sa panayam sa 24 Oras, “ako, pangarap ko na makalaban ‘yung kabila, eh. Kasi, wala lang, to represent GMA, ‘di ba?”

Gaganapin ang celebrity basketball showdown on May 3 sa Mall of Asia Arena in Pasay City.