Female host pasaway sa spiels!

Matigas ang ulo ng isang female host-actress kapag kinukuha siyang endorser. Reklamo ito ng ilang agencies na minsan siyang kinuha!

Ipinaliwanag sa female host-actress ang eksena at gagawin niya sa shoot. Endorsement ang gagawin kaya dapat sakto lang ang spiels niya!

Pero nung actual shoot, aba, naloka ang kliyente! Kasi pinalitan ng female host ang spiels niya! Siyempre, hindi puwede sa kliyetne ang gusto ng female host na matigas din ang ulo!

Pero nang takutin siya ng kliyente na papalitan na lang siya as endorser, namutla si girl at naging masunurin sa gusto ng kliyente, huh!

Milyon ang mawawala sa female host kung hindi siya sumunod sa gusto ng kliyente, huh!

Angel, hindi kayang ipakita ang mukha

Naging maingay si Angel Locsin dahil sa Pinoy Big Brother Collab 2.0!

Ang stepson na si Joaquin Arce ang dahilan kung bakit nanawagan sa mga fans si Angel na iboto si Joaquin at nagpasalamat nang mapasok sa Ultimate 8 as Kapamilya artist.

Ang tatay niyang si Neil Arce eh present sa final eviction last Saturday na nasa crowd at todo cheer sa anak.

Asahan ang mas maingay na Angel sa pagtatapos ng reality show. Eh kung mag-face reveal si Angel, mahahatak kaya niya ang mga fans na iboto siya bilang winner?

Kaya lang, malakas ang hatak ni Heath Hornales na sa mga boto ng Ultimate 8, pinakamataas ang percentage ni Heath sa lahat!