Sofronio, manghuhusga sa TNT

Ahh tampok ang The Voice USA Season 26 champion na si Sofronio Vasquez bilang pinakabagong hurado sa 9th season ng It’s Showtime ng longest running singing competition na Tawag ng Tanghalan.

Makakasama ni Sofronio ang Punong Hurado na si Louie Ocampo at TNT Season 4 grand champion JM Yosures, na magdadala ng karanasang nakuha niya sa ibang bansa at ibang pananaw sa pinakamatagal na tumatakbong noontime singing contest sa bansa.

 Sa bagong season, mga bagong mukha nga raw ang masisilayan ng manonood na magmumula sa 18 rehiyon ng bansa kung saan linggu-linggo, maglalaban ang mga contender ng bawat rehiyon.

Ang maswerteng magwawagi ay uusad sa regional finals hanggang sa mabuo ang 18 kinatawan ng bawat rehiyon na maglalaban para sa titulo bilang Season 10 grand champion.

 Sa unang araw ng kompetisyon, nanaig ang 19-anyos na si Sidro Quilicol laban kay Vergel De Guzman matapos makuha ang pinakamataas na iskor na 91.3%.