Sunshine, magdedemanda!

Kinuha na ni Sunshine Cruz si Atty. Bonito Alentajan para tingnan ang mga site na ayon sa aktres, nagpapakalat ng fake news tungkol sa kanya. Pinost nito sa kanyang Facebook (FB) account ang ilan sa mga inireklamo niyang site at kakasuhan siguro kapag nakitang nakakasira sa pagkatao ng aktres at ng kanyang mga anak.

“My children and I have been subjected to years of ridiculous rumors. My children and I have been supposedly pregnant, murdered, beaten, arrested and even secretly own a mansion in a posh village. It’s a testament to how easily people are misled that even the smartest individuals sometimes fall for them. No to #fakenews!

“*fyi guys, my lawyer Atty. Bonito Alentajan has been looking into these sites. It isn’t easy kasi pseudo  names ang gamit nila. For now I am posting these fake news for awareness.”

Sa sample ng fake news patungkol sa kanya at mga anak, ibinalitang nabuntis ang isa niyang anak at may larawan pa nitong buntis. Pabor ang FB followers ni Sunshine na idemanda niya ang mga nagpapakalat ng fake news at dapat daw, ASAP dahil namimihasa.

Sa nag-comment nga na dapat talaga masampolan ang pasimuno sa fake news, “definitely po” ang sagot ni Sunshine.

Nag-comment din si Atty. Alentajan ng “Cheap-ass lousy trolls with miserable lives,” ang sagot ni Sunshine ay “Sampolan na!” Ibig sabihin, desidido siyang kasuhan ang mga nagpapakalat ng fake news.

May nabanggit pa si Sunshine na “Hopefully Meta will do something about this. Fake na nga, kumikita pa sila sa views.”

Mayroong hindi inintindi ang post ni Sunshine at nag-comment ng “Kalandian kasi gawa sa pera.” Agad sumagot si Sunshine ng “Fake news nga di ba? Magbasa ka kuya.”