EA at Shaira, makikipag-bonding kay Dingdong
MANILA, Philippines — Sasabak sa masayang hulaan sa Family Feud ang newly weds na sina EA Guzman at Shaira Diaz. Pangungunahan nila ang Team Pag-ibig na Totoo, kasama ang Unang Hirit hosts na sina Kaloy Tingcungco at Jenzel Angeles.
Makakaharap naman nila ang Team Serbisyong Totoo nina Susan Enriquez, Athena Imperial, Dano Tingcungco, at Jonathan Andal. Sino sa kanila ang mag-uuwi ng P200,000?
Abangan ang kanilang episode next week, pati na rin ang iba pang star-studded guests sa Family Feud tuwing 5:40 p.m. mula Lunes hanggang Biyernes sa GMA 7.
Ganito... short films, available na rin sa Youtube
Kagigiliwan at kapupulutan ng aral ang Ganito Tayo, Kapuso short films na maaari na ring mapanood sa official YouTube channel ng GMA Network.
Tampok sa espesyal na koleksyong ito ang seven core Filipino values: Maka-Diyos, Masayahin, Maabilidad, Makabayan, Mapagmalasakit, Mapagmahal, at Malikhain. Bawat kuwento ay nagbibigay-halaga sa isa sa mga values na ito. At bukod sa malikhaing pagkukuwento, sigurado ring kagigiliwan ng mga manonood ang performances mula sa mga paboritong Sparkle artist.
Maaari ring mapapanood ang Ganito Tayo, Kapuso sa GMA, GTV, I Heart Movies, at Heart of Asia hanggang Aug. 31.
Samantala, para naman sa Global Pinoys, mapapanood ang mga ito sa GMA Pinoy TV simula Sept. 6 at sa GMA Life TV sa Oct. 11.
- Latest




















