Ashley, biglang nakilala

 Bongga si Ashley Ortega, biglang na­kilala paglabas ng Pinoy Big Brother house.

Kaya naman daw ramdam niya ang pagmamahal ng mga sumuporta sa kanya sa loob ng #PBBCelebrityCollabEdition house!

At bilang pasasalamat, nag-upload si Ashley ng isang espesyal na video para sa kanyang mga supporters.

Sa video, ipinahayag ni Ashley ang kanyang taos-pusong pasasalamat sa mga hindi tumigil na sumuporta sa kanya.

Pero naloka lang ako na hindi pala sila nag-uusap ng kanyang ina.

Ba’t kaya?

Mahirap ang ganun na hindi mo kasundo ang iyong ina.

Kahit siguro anong sama ng loob mo, hindi dapat tumagal nang ganun ang hindi nila pag-uusap ng nanay niya.

Umalis daw siya sa kanila na kinasama ng loob ng kanyang nanay.

Pero ayaw daw niyang lumaki na may hatred.

Naipon daw ang samaan ng loob nila hanggang nawalan na sila ng komunikasyon.

At nakatulong daw naman ang nasabing alitan nila para maging malalim siyang aktres.

Kaloka, talbog pa ang teleserye na napapanood ko.