Dominic at Sue, laging magkabuntot!

Si Sue Ramirez ang ka-date ni Dominic Roque sa Christmas Party ng eini-endorse nitong gasoline station na kundi kami nagkakamali, isa sa owner si Dominic kasama si Bong Suntay. Hindi umiwas ang dalawa na kunan sila ng mga larawan and this time, malinaw ang mga kuha ng larawan at pareho silang nakangiti.

Nauna rito, spotted din sina Sue at Dominic sa isang car dealership at ang paliwanag si Sue, tinutulungan lang siya ni Dominic na tumingin ng cars at bibili yata ang aktres.

Comment naman ng mga netizens, wala raw ba ibang guy friends si Sue at kay Dominic pa nagpasamang tumingin at mamili ng cars. Sagot ng fans ni Dominic, may alam ito pagdating sa cars, kaya siya ang isinama ni Sue.

Dahil sa sunud-sunod na sightings kina Sue at Dominic na ibig sabihin, madalas silang nagkikita, naniniwala ang mga netizens na made-develop into romance ang dalawa or baka nga raw in-announce na lang nila na sila na.

Ang gandang hintayin ang magiging reactions ng mga fans at netizens kapag naging official ng sina Dominic at Sue.

Frankie at Miel, umuwi muna sa pamilya

May pa-banner si Sharon Cuneta welcoming her daughters Frankie and Miel Pangilinan na nasa bansa ngayon for a Christmas vacation. Ramdam ang tuwa ni Sharon nang i-post ang welcome home banner at ang caption na “Waiting for the besties to arrive home.”

Sa sunod na post ni Sharon, pinost ang preparation nila sa birthday ni Frankie na “Kakie” ang kanyang tawag. “24 Today!!! Whaaaa???!!!” caption ni Sharon.

Pati ang fans/followers ni Sharon, hindi makapaniwalang 24 na si Frankie at masaya sila na they’re home for Christmas and New Year. Mas masaya raw nito si Sharon at ang asawang si Kiko Pangilinan na rin.

Bong, proud lolo ulit

Masayang in-announce ni Sen. Bong Revilla sa mediacon ng Tolome! Walang Matigas na Pulissa Matinik na Misis na may nadagdag na naman sa mga apo nila ni Congw. Lani Mercado. Walo na raw ang mga apo niya dahil nanganak na ang daughter nilang si Gianna Bautista-Patricio.

Sinundan ito nang pagpo-post ng solo picture ng baby boy at ramdam ang tuwa ni Bong sa caption na “Kamukha ko na siya! Yeheyyy.”

And speaking of action, punung-puno ng action ang Season 3 ng Tolome! Walang Matigas na Pulis sa Matinik na Misis. Si Bong mismo ang gumawa ng action scenes at stunts niya dahil pinayagan siya ng kanyang doctor. Sa trailer, makikita siyang nakikipaghabulan, nakikipagbarilan at nakikipagsuntukan sa mga kalaban.

Sa December 22, 7:15pm., sa GMA-7 na ang premiere ng action-comedy series sa direction ni Enzo Williams na mala-pelikula pa rin ang treatment sa paggawa ng action-comedy series.