Maris at Anthony, kinabog si VP Sara!

Biglang ‘sikat’ nina Maris Racal at Anthony Jennings dahil sa kaso ng cheating. Parang tinabunan ang mga kaso nina Neri Naig, Sandro Muhlach at VP Sara Duterte.

Bakit first time ba sa Pilipinas ang cheating at parang nakapalaking kontro­bersiya nung nangyari sa kanila?

Ikinalat nga ng ex ni Anthony na hindi kilala ng marami pero biglang sumikat sa social media na si Jamela Villanueva ang landian ng ex at ni Maris.

 Pumasok naman ang ilang abogado, na nagsasabing maaari raw magdemanda sina Maris at Anthony dahil inilabas ng dating syota ni Anthony ang private conversation nila sa chat. Tama ang sinasabi nila legally, pero dapat isipin nila na mas pag-uusapan iyan at lalabas bilang public record, mas lalaki lang ang gulo at baka iyon na ang maging katapusan ng careeer niyang Maris Racal at Anthony Jennings.

Tama na ‘yung nag-sorry sila, the end of story na.

‘Wag nang gawing issue.

Dahil may mga nadadamay pa at nabibigyan ng malisya tulad nina Gerald Anderson, Bea Alonzo ang Julia Barretto.

 Napag-usapan din naman iyon pero hindi naman kagaya ng nangyari ngayon kina Maris Racal at Anthony Jennings, kasi nanahimik na lang si Bea at walang nilabas na resibo.

Mikael at Megan, expected na ang pagkakaroon ng baby

Magandang balita, buntis na ang dating Miss World 2013 at aktres na si Megan Young. Finally mada­dagdagan na rin ang kanilang pamilya. Ilang taon na rin namang kasal sina Megan at Mikael Daez, pero ngayon nga lang sila magkakaoon ng anak.

Expected naman na mabubuntis si Megan dahil mag-asawa sila kaya congratulations.