John, naging panlaban ang ‘kapalaran’ ni Rico
Bago pala naging isang award-winning actor si John Arcilla naging kontesero ito sa mga singing contest sa kanilang probinsiya.
Kinuwento ni John na lagi siyang sinasabihan ng kanyang mga kapatid kapag may singing contests sa kanilang lugar sa Baler, Aurora.
“Ang Ate Marivic ko, laging ‘Boy, mayroon ditong ano, amateur contest sa Barangay 1. Halika Boy!, may amateur contest sa Barangay Buhangin, sumama tayo!” pagbalik-tanaw ni John na ang lagi niyang panlaban na awit ay Kapalaran ni Rico J. Puno.
Pero biglang nagbago ang timbre ng boses ni John nang maging teenager siya at biglang nagkaroon ng stage fright.
“When I was 13, nag-change ‘yung vocal capacity ko, o ‘yung voice box ko. So for the first time, nag-crack ‘yung voice ko. I was 13 or 12 years old. From that on, 13 years akong nagka-stage fright. Hindi ako nakakanta sa stage. Doon ako nag-shift sa acting.”
Humakot ng maraming acting awards si John para sa mga pelikulang Ligaya Ang Itawag Mo Sa Akin, Birdshot, Reroute, Heneral Luna, Halaw, Supot at On The Job: The Missing 8 kung saan nanalo siya ng best actor sa Venice International Film Festival.
Mapapanood next year si John sa teleserye na Lolong: Bayani Ng Bayan ng GMA Public Affairs.
Taylor naiyak sa Canada
‘Di mapigilang maiyak ni Taylor Swift dahil magtatapos na ang kanyang Eras Tour. Magaganap ang last show in Vancouver, Canada.
“Toronto, we’re at the very end of this tour so you doing that, you have no idea how much it means to me. My band, my crew, all of my fellow performers, we have put so much of our lives into this. And you’ve put so much of your lives into being with us tonight and to giving us that moment that we will never forget. I love you guys. Thanks so much for that.”
The Eras Tour will come to a record-breaking end after three sold-out shows at BC Place in Vancouver on December 6, 7, and 8.
- Latest
