Aktres na maamo ang mukha, nagwawala ‘pag napapansing tumaba

Maganda at maamo ang mukha ng isang sikat na aktres na leading lady ang role sa TV series na ginagawa.

Pero kapag napapansin ang kanyang katawan na medyo nadagdagan ng timbang, umiinit agad ang ulo nito. Nagsisisigaw kahit marami ang nakakarinig.

Ganyan ang nangyari minsan nang pahiramin siya ng isang dress na ginamit sa taping. Eh dahil may continuity ang damit, ipinadala sa kanya ito.

Pero napasin ng staff na parang lumaki ang katawan niya. Dedma ang aktres sa puna.

Eh nang isuot muli ang damit, hindi na kasya! Kung anu-ano ang ginawang paraan para kumasya ang damit sa aktres dahil kung hindi, madi-delay ang shoot!

Sukat ba namang nag-flare up si aktres. Kung anu-anong paninira ang ipinagsigawan sa set na dinig ng lahat, huh!

Binilhan na lang ng kaparehong damit ang aktres na kasya sa kanya upang hindi na ma-delay ang shoot at matigil na ang pagbubunganga ng aktres!