Solenn at Nico, nag-date sa Africa!
Ang bongga naman ng pamilya nina Solenn Heussaff at Nico Bolzico na kasalukuyang nagbabakasyon sa South Africa.
Kasama ng mag-asawa ang mga anak na sina Thylane Katana at Maëlys Lionel sa kanilang bakasyon sa nasabing lugar.
Ipinost ng aktres ang litrato ng kanyang mag-aama na may caption na “All I breathe for.”
Makikita rin sa posts niya ang bonding ng mga anak niya kasama ang pinsan nilang si Dahlia na anak ng It’s Showtime host na si Anne Curtis at mister nitong si Erwan Heussaff.
Ang sweet nga raw ni Dahlia na laging hinahawakan ang mukha ng bunso nina Nico at Solenn na si Maëlys para tumingin ito sa camera.
Ang cute ngang tingnan ng magpipinsan na parang magkakapatid na rin na enjoy sa pamamasyal at pagtingin sa mga hayop sa Africa.
Nagkaroon din ng pagkakataon sina Solenn at Nico na makapag-romantic date sa isang restaurant sa Cape Town.
Nagpasalamat nga si Solenn sa mag-asawang Anne at Erwan na nag-babysit sa mga anak nila para makapag-date sila.
“Little date at the Chef’s Warehouse to end our Capetown trip! It was one of the best meals we have had in a while! Special thanks to Anne and Erwan for baby sitting for 3 hours haha” caption niya sa litrato nila ni Nico kung saan lutang ang pagka-sweet ng mag-asawa at mga kinain nila sa kanilang date na halatang masasarap.
- Latest
