Zanjoe at Ria, binaha ng pagbati sa pagpapakasal

Zanjoe Marudo and Ria Atayde are now husband and wife!

Yes, ikinasal na nga ang celebrity couple sa pamamagitan ng intimate wedding ceremony nitong nakaraang Sabado, March 23.

Kinumpirma ito ni Z sa kanyang Instagram post kahapon kalakip ang kanilang wedding photos.

Sa caption ay tinawag ni Z na “my wife” si Ria.

“03.23.24. Happy Birthday MY WIFE,” the actor wrote

Makikita sa larawan na simple lang ang kasuotan ng celebrity couple. Naka-white dress si Ria habang nakasuot naman ng black suit si Z.

Ipinost din ni Zanjoe ang larawan ng kanilang 3-layered wedding cake.

Matatandaang ina-announce nina Ria at Zanjoe ang kanilang engagement last Feb. 20. Kasunod nito ang balitang nagdadalang-tao na ang aktres pero wala naman silang pahayag pa tungkol dito.

Inulan naman ng pagbati mula sa mga netizens, friends and kapwa-celebrities ang post ni Z about the wedding.

“Uy wife!! Congrats mr & mrs marudo,” ang pagbati ni Angelica Panganiban.

“Cutieeeees!!!  So happy for the both of you!!,” sey naman ni Jane Oineza.

Mensahe naman kay Z ng sister ni Ria na si Gela Atayde, “welcome to the family, kuya.”

Sabi naman ni Kyline Alcantara, congratulations tatayyy and ate @ria

Bumati rin sina Jake Ejercito, Vina Morales, Eula Valdez, Loisa Andalio, Marco Gumabao, Nikki Valdez, Rei Anicoche-Tan of Beautederm at marami pang iba.

As we write ay wala pang ibang detalye na inilalabas ang bagong-kasal hinggil sa kanilang wedding.

Congratulations, Zanjoe and Ria!

Joey, ayaw maging National Artist

Hindi bet ni Joey de Leon na maging National Artist.

In an Instagram post yesterday, sinabi ni Henyo Master na may nagsa-suggest daw na gawing National Artist ang TVJ (Tito Sotto, Vic Sotto and Joey) pero tahasan niyang sinabi na ayaw niya at ibang title ang gusto niyang ibigay sa kanila.

“May nag-suggest gawin na raw kaming National Artists pati Eat Bulaga. Sabi ko WAG NA. Gawin nyo na lang kaming FUNCTION ALL ARTISTS!” sey ni Henyo Master.

Katwiran niya, “Eh kasi we’ve covered nearly everything—-radio, TV, newspaper, recording, movies, arts, politics, etc.”

Sa comment section ay marami ang nagsabi na deserve ng TVJ na maging National Artists.

“Yes dapat naman talaga National Artist ang nararapat sa inyong tatlo TVJ Deserve nyo yun,” sey ng isang netizen.

“Deserved ang National Artists TVJ is icon na for TV & Movies,” komento naman ng isa pa.

“Dapat hanggat buhay mabigay na ang pagiging national artist everything started with TVJ, noontime show, grooming other talents, radio, politics, hosting, music, spoofing songs, ang dami nang nagawa,” comment naman ng isa pang IG user.

Samantala, aside from TVJ, lumulutang din ang mga pangalan nina Regine Velasquez at Lea Salonga for the National Artist recognition.