Ex-lover ni Francis M, naglabas ng bagong resibo!

Nagbalik ang kontrobersiyal na si Abegail Rait ang flight attendant na sinasabing nakarelasyon ni Francis Magalona bago siya yumao. Nagsimula lang iyan nang minsang magpunta siya sa shop ng vlogger na si Boss Toyo at ipagbili niya ang isang jersey na ginamit ni Francis noong araw. Dahil doon nabulgar nga ang sinasabing anak ni Francis sa kanya na gusto ring maging singer, si Francesca. Ngayon nga bumalik si Abegail kasama ulit ang anak niya sa shop ni Boss Toyo.

This time may dala naman siyang pictures na supposed to be ay baha­gi ng mga kuhang larawan ni Kiko noong nabubuhay pa, at lahat ay may pirma pa niya. Pero hindi niya ipinagbili sa pagkakataong ito.

At dito parang nagbigyang diin na nagkaroon sila ng matibay na relasyon, at hindi fling lang kagaya ng gustong palabasin ng iba.

At sa nangyayaring ganyan at sa iba pang maaa­ring ilabas ni Abegail, mukhang mas marami na ngayon ang maniniwala sa kanyang kuwento.

Ate Vi at Direk Elwood, tumanggap ng trophy sa ‘Kamera!’

Kaugnay ng ginagawang Eduksine, ang Star For All Seasons na si Vilma Santos ay binigyan ng Gawad Alamat ng Sine Pilipino Sa Harap ng Kamera, samantalang ang director naman ng pelikula niyang Pinay American Style na si Elwood Perez ay pinarangalan din ng Gawad Alamat ng Sine Pilipino Sa Harap ng Kamera.

Ipinagkaloob sa kanila ang awards na iyan sa Malacañang kahapon ng hapon matapos na ipalabas at magkaroon ng talk back ang dalawang artists tungkol sa kanilang pelikulang Pinay American Style, na itinuturing na ngayong isang klasikong pelikulang Pilipino.

Dennis, magkokontrabida

Ano? Si Dennis Trillo na kinikilala bilang isa sa pinakamahusay at pinakamalakas na leading man ng network sa GMA 7, lalabas na kontrabida?

Parang nakakahinayang naman siya kung kontrabida lang siya sa serye. Tapos may mga walang K na ginagawa nilang bida kahit na wala pa namang napapatunayan.

Para kay Dennis ay walang problema iyan. Sa mga propesyonal na actor naman, iyan nga ay nagpapakita ng kanilang versatility at gusto nila iyan, pero kung iisipin nakakahinayang na ang isang mahusay na leading man gagawin mong kontrabida. At kung sino pa iyong walang napapatunayan iyon ang ginagawa nilang mga bida.

Vice, nilamon ang mga sinabi

Naaalala pa kaya ni Vice Ganda ang mga sinasabi niya noon tungkol sa GMA Network at ang panlalait niya sa mga tao noon sa GMA?

Aba ngayon dahil kinuha ang kanilang show at magkakaroon sila ng pagkakataong makatikim na muli ng istasyong malakas ang signal, parang heaven na sa kanya ang network sa Kamuning.

Aywan kung nakalimutan na niya ang mga pinagsasabi niya noon, pero marami pa ring mga tao ang nakakaalala nang lahat ng iyon.