Biglang kinabog ang mga kasabayan...Liza, kasama sa line-up ng mga umuusbong na pangalan sa Hollywood!

MANILA, Philippines — Papunta na raw sa Hollywood stardom si Liza Soberano matapos siyang mapansin sa pelikulang Lisa Frankenstein at umagaw ng pansin sa pagdalo sa SAG Awards at The Anime Awards sa Japan.

Kabilang na rin si Liza sa mga dumalo sa star-studded na Vanities: A Night for Young Hollywood. 

Kasama ito sa maraming pre-Oscar party na pinangunahan ng Vanity Fair magazine at Instagram na binigyan ng pansin ang mga umuusbong na Hollywood talent.

Nag-trending din si Liza sa kanyang pagdalo sa Elton John AIDS Foundation’s 32nd Annual Academy Awards Viewing Party na suot ang white gown!

Nauna nang nag-upload si Liza ng “Vanities : A Night For Young Hollywood Thank you @VanityFair @instagram for having me! #vforvanities” na mala-Audrey Hepburn ang kanyang look kasama ang mga promising Hollywood celeb.

At ang last post niya : “And that sums up the 2024 awards season! Thank you so much to @eltonjohn and @ejaf for having me! #EJAFOscars.”

Sabi nga nila, konting kembot na lang, abot na abot na ni Liza ang Hollywood stardom.