Elijah, naghahandang maging doc
![Elijah, naghahandang maging doc](https://media.philstar.com/photos/2024/01/27/s_2024-01-27_20-10-22.jpg)
Enjoy sa kanyang pagiging college student si Elijah Alejo.
On Instagram, pinost ng former child actress ang video na naka-school uniform siya at sumisilip siya sa microscope.
“Snippet of my life as a student,” caption ni Elijah.
Medical Technology ang kurso na kinukuha ni Elijah sa Manila Central University. Habang wala pa siyang bagong teleserye, pag-aaral ang inaasikaso niya.
Inamin niya na siya ang breadwinner ng kanilang pamilya. Siya ang gumagastos para sa pagpapagamot ng kanyang ina na nakikipaglaban sa sakit na cancer.
Pangarap niya na maging isang doktor na nag-i-specialize sa iba’t ibang sakit.
Direk Laurice, naiwan ng mga kapanabayan
Nakakabilib si Direk Laurice Guillen dahil sa edad niya na 76, kaya pa rin niyang magdirek sa malalayo at mahihirap na location.
Tulad na lang sa location ng teleseryeng Asawa Ng Asawa Ko, sa bundok sila nag-shoot ng karamihan ng mga eksena.
Inamin ng award-winning actress-director na challenge sa buong cast at production ang kanilang location dahil marami silang kailangang labanan at pagtiyagaan na sitwasyon.
“When you are in such a location, you have to deal with the elements. From the weather, minsan mainit tapos biglang uulan nang malakas. Very unpredictable. Then you have to deal with other things like one time may ahas na nakapasok sa tent, ‘yung mga iba’t ibang insekto. All these things makes everyone uncomfortable,” tawa pa ni Direk Laurice.
Si Direk Laurice na lang pala ang naiiwang buhay sa mga nakasabayan niyang mga direktor noong dekada ‘70. Nagsipanaw na sina Lino Brocka, Ishmael Bernal, Eddie Garcia, Romy Suzara, Marilou Diaz-Abaya, Maryo J. delos Reyes, Mario O’Hara, Celso Ad Castillo, Danny Zialcita, Emmanuel Borlaza, Eddie Romero at iba pa.
“That’s why I thank God that I am still here and working,” sey pa ni Direk Laurice.
Bradley Cooper at Gigi Hadid, lantaran na ang relasyon
Hindi na tinatago nina Bradley Cooper and Gigi Hadid ang kanilang relasyon.
Namataan ang dalawa na holding hands sa London habang namamasyal.
Ayon sa Page Six: “Bradley was bundled up for the outing, wearing camo pants, a black coat, blue checkered winter hat, Nike high tops and sunglasses, while Gigi wore tan pants, a brown bomber jacket and shades. Gigi had her hair pulled back in a braided ponytail. During their walk l, they chatted and smiled, and at one point Gigi even put her hand on Cooper’s waist.”
Balitang pinakilala na ng Oscar best actor nominee ang supermodel girlfriend sa kanyang mother na si Gloria Campano.
Kapwa may anak sina Bradley at Gigi sa kanilang ex-partners. Si Bradley ay may six-year-old daughter with Irina Shayk while Gigi has a three-year-old daughter with Zayn Malik.
- Latest