Valeen, kasal na sa non-showbiz guy
Kaya pala wala sa mediacon ng Love. Die. Repeat. si Valeen Montenegro dahil nasa
Bali, Indonesia ito para sa kanyang bachelorette party at wedding.
Ikinasal nga ito kamakailan.
Noong nakaraang Nobyembre na-engage si Valeen sa kanyang non-showbiz partner na si Riel Manuel.
Sa isang post niya na kasama ang kanyang future husband, sinabi niya sa caption na: “366 days with you this year.. but in a couple of days.. locked in FOREVER NA BWAHAHAHAHAHA.”
Jericho, nagparamdam kay Heart!
Hindi napigilan ni Jericho Rosales na matawa nang makita niya ang paper dolls nila ng dating karelasyon na si Heart Evangelista.
Sa Instagram stories ni Jericho, bigla itong nag-flashback noong makikita ang koleksiyon ng kanyang kaibigan, kung saan kasama ang paper dolls nila ni Heart.
Naka-tag din si Heart sa stories niya.
Sinabi ni Jericho na fashionista pa rin ito kahit nasa paper doll ito.
Hindi makapaniwala si Jericho na ganun pala ang katawan niya noon at na-immortalize ito sa paper doll. Ayon sa aktor, hindi na raw niya ito kayang ma-achieve ulit.
“Katawan ko ba ‘to? Mukhang dinikit lang ‘yung ulo ko eh,” sabay tawa niya.
Hirit pa niya sa video, pa-outfit check din ang kanilang paper dolls.
Pinusuan ng fans ang video, lalo’t marami ang nakaka-miss sa paper dolls.
MARVEL ACTOR CHRIS PRATT, MINSAN LANG MAGPASAMA-SAMA ANG 3 ANAK
Balik-alindog ang Marvel actor na si Chris Pratt pagkatapos mag-binge eat noong Pasko at Bagong Taon.
Nag-post ito ng mirror selfie kung saan kita na ang ripped abs niya sa Day 10 ng kanyang workout. “I do that intermittent fasting thing. I’m still burning fat from that workout today. I feel good,” caption pa niya.
Pinost din niya ang photo ng kanyang tatlong anak na magkakasama.
Bihira raw na magsama ang tatlo kaya kinunan ito ng aktor habang nag-aalmusal. Ito ay sina Jack (11), anak niya sa ex-wife na si Anna Faris at sina Lyla (3) and Eloise (1) na mga anak niya sa current wife na si Katherine Schwarzenegger.
- Latest
