Female host-actress, basang-basa lagi ang kili-kili!

Tissue na pinampupunas nagkalat

Grabe raw pagpawisan sa kili-kili ang sikat na female host-actress na medyo tahimik ang mundo ngayon.

Of course, hindi lang naman si host-actress ang nakaranas ng ganito. ‘Yun nga lang, itong si female host-actress, basta na lang daw ikinakalat ang tissue na ginamit sa pagpahid sa basang kili-kili, huh!

Kaya nga sa kanyang dressing room, nakakalat ang mga tissue  sa sahig na ginamit pamunas sa wet kili-kili! Ugali na raw niya ito!

So ang mga utility na pumapasok sa room niya, lagi na lang nagwawalis para mabawasan ang kalat sa room ng female host-actress, huh!

Carren, pambato ng Merlion

Dalawampung baguhang artists ang inilunsad ng Merlion Entertainment noong Huwebes sa Podium Hall sa Pasig City.

Pinangunahan ng singer mula sa Cebu na si Carren Eistrup na grand winner ng Bida Next ng Eat Bulaga ang talents ng Merlion na sinaksihan din ng CEO nito na si Gener Dungo.

Napapanood ngayon sa TV 5’s E.A.T. si Carren pati na ang finalists ng Sing EAT na sina Luna at Jean Drilon.

Ilan pa sa artists ng Merlion Entertainment ay ang beauty queen na si Nicole Borromeo, at ang members ng grupong Calista. “This is just the beginning for Merlion Entertainment. Get ready to be dazzled as we gear up to produce more sensational shows and events, and even launch more new artists next year to entertain the fans and audience,” pahayag ni Gener Dungo.